टेरियालाई भोट माग्दै बाबुराम

पूर्व प्रधानमन्त्री तथा एकीकृत नेकपा माओवादीका नेता डाक्टर बाबुराम भट्टराईले जिटिभीको डान्स शो डिआइडी लिटिल माष्टर्सको तेश्रो संस्करणको उपाधि होडमा रहेकी नेपाली चेली टेरिया मगरलाई भोट माग्नु भएको छ ।आउँदो शनिबार हुने फाइनल भिडन्तमा अन्य ४ जना सहित रुपन्देहीको रुद्रपुरकी टेरिया पनि प्रतिस्पर्धामा छिन् ।भट्टराईले आफ्नो फेसबुक पेजमा उनको प्रतिभाको सम्मान गर्दै भोट गर्न आग्रह गर्नु भएको छ जिटिभीको नृत्य प्रतियोगिताको फाइनलमा पुगेकी ११ बर्षीया नेपाली बालिका टेरिया मगर आफ्नो वेजोड नृत्य प्रदर्शनका लागि सबैको मुटुको ढुकढुकी बनेकी भट्टराईको भनाई छ ।५ लाख १४ हजार फ्यानले लाइक गरेको फेसबुक पेजमा भट्टराईले टेरियलाई भोट गर्ने लिंक पनि शेयर गर्नुभएको छ ।